16-10-2016

16-10-2016 ஞாயிறு மாலை சுமார் 4-00 மணியளவில் ஸ்ரீ சத்யநாராயண பூஜை ஆறாவது ஆண்டு துவக்க விழாவாக நடைபெற்றது. ஏராளமான பக்தர்கள் திரளாக வந்து பூஜையில் கலந்து கொண்டு பகவானின் அருள் பெற்று சென்றனர். ஐந்து ஆண்டுகளுக்கு முன்னால், ஸ்ரீ சத்யநாராயண பூஜையினை பெரம்பூரில் நடத்த வேண்டும் என்ற எண்ணம் தோன்றிய நாள் முதல் அதனை மாதம் தவறாமல் முறைப்படி நடத்தி வந்த முறைகளை , பக்தர்கள் காட்டும் ஆர்வத்தை , நன்கொடையாளர்கள் பணமாக , பொருளாக, அளித்து வருவதை எடுத்துக்கூறி செயலாளர் திரு கல்யாண வரதன் அவர்கள் மிகவும் மனம் நெகிழ்ந்தார் . தனக்கு நல்ல ஒத்துழைப்பு அளித்து வரும் தலைவர் திரு ஸ்ரீநாத் , பொருளாளர் திரு ராஜாராமன் மற்றும் உறுப்பினர்கள் அனைவருக்கும் நன்றியறிதலை தெரிவித்துக்கொண்டார் .வர இருக்கும் காலங்களில் இன்னும் சிறப்பாக பூஜைகள் நடைபெற அனைவரின் ஒத்துழைப்பிணையும் , நன்கொடைகளையும் எதிர்நோக்கி இருப்பதாக கூறினார்.

விழா முக்கிய நிகழ்வாக பூஜை முடிந்ததும் 100 ரூபாய் நன்கொடை அளித்த ரசீது எண்களின் அடிப்படையில்  குலுக்கல்  நடத்தப்பட்டு அதன் மூலம்  8 பேர்கள் தேர்ந்தெடுக்கப்பட்டனர். 

முதல் பரிசு எண் 40 திரு நரசிம்மன் அவர்கள் . இவர் தம்பதி சமேதராக அன்னாவரம் சென்று அங்கு நடைபெறும் ஸ்ரீ சத்யநாராயண பூஜையில் கலந்து கொண்டு வர ஆகும் செலவை சமிதி ஏற்றுக்கொள்ளும் .

இரண்டாம் பரிசு எண்கள் 59 திரு பாலாஜி  மற்றும்  86 திருமதி ஜெயந்தி வைத்யநாதன் அவர்கள் . இந்த இருவருக்கு தலா 5கிராம்  கஜலஷ்மி உருவம் பதித்த வெள்ளி டாலர் வழங்கப்படும்.

மூன்றாம் பரிசு எண்கள் 54. திரு சுப்பராஜ், 22 திரு v.k முரளி ,101 திரு கணேசன் , 55 திருமதி மஹேஸ்வரி அவர்கள். இந்த ஐவருக்கும் தலா 2கிராம்  கஜலஷ்மி உருவம் பதித்த வெள்ளி டாலர் வழங்கப்படும்.

ஐந்து ஆண்டுகள் தொடர்ச்சியாக பூஜையை சிறப்பாக நடத்திவரும் செயலாளர் ஸ்ரீ கல்யாண வரதன் மாமா அவர்கள் சிறப்பாக பாராட்டப்பட்டார் , அவருக்கு உறுதுணையாக இருந்து பூஜைகளில் கைங்கர்யம் செய்துவரும் அவர் மனைவி திருமதி புஷ்பா அவர்களும் பாராட்டப்பட்டார் . தம்பதியருக்கு பொன்னாடை அணிவிக்கப்பட்டது. உறுப்பினர் அனைவருக்கும் சிறப்பு பரிசு அளிக்கப்பட்டது. வழக்கம்போல் பிரசாதங்கள் அளிக்கப்பட்டன .

நவம்பர் மாத பூஜை 13-11-2016 ஞாயிறு மாலை 4-00 மணிக்கு நடைபெறும். அனைவரும் வருக , பூஜையில் கலந்து கொண்டு உளமுருக ஸ்ரீ சத்யநாராயணனிடம் பிரார்த்திக்க அனைவரையும் அன்புடன் அழைக்கிறோம்.

வாருங்கள். கலியுக  தெய்வம் ஸ்ரீ சத்யநாராயணா பூஜையில் கலந்து கொண்டு பகவானின் பேரருளை பெற்று வாழ்வில் முன்னேறுங்கள்.

First Prize Winner Sri. Narasimhan 

Gift Articles

Secretary Mama is Felicitated

President Distributes Gift  

Treasurer Distributes Gift 

லோகா ஸமஸ்தா  சுகினோ பவந்து