நவம்பர் மாத ஸ்ரீ சத்யநாராயண பூஜை வழக்கம்போல இரண்டாவது ஞாயிறு (12-11-2017) மாலை 4-00 மணிக்கு மிக விமரிசையாக நடைபெற்றது. கன மழை பெய்து சென்னை நகரை புரட்டி எடுக்கும் என்று எல்லா மீடியாக்களும் பயமுறுத்திய போதும் ஏராளமான பக்த பெருமக்கள் குறிப்பாக மகளிர் பூஜையில் கலந்து கொண்டு ஆதி பகவான் ஸ்ரீ சத்தியநாராயணன் அருள் பெற்று சென்றனர்.
பூஜையை திரு கல்யாண வரதன் மாமா மிகுந்த அனுஷ்டானங்களுடன் செய்தார். பூஜையின் முடிவில் பக்தர்கள் மனமுருகி பகவானிடம் வேண்டிக்கொள்ள , தங்கள் குறை,நிறைகளை கூறி மங்களம் வேண்டிக்கொள்ள அவகாசம் அளித்தார்.
திரு.மாருதி ஸ்ரீனிவாசன் அவர்கள் ஸ்ரீ சத்யநாராயண வரலாறு கதைகள் படிக்க மஹா தீபாராதனையுடன் பூஜை நிறைவு பெற்றது. பக்தர்கள் எல்லோருக்கும் பிரசாதம் வழங்கப்பட்டது.
டிசம்பர் மாத பூஜை 10-12-2017 ஞாயிறு அன்று நடைபெறும். அனைவரும் வருக அவனருள் பெறுக.
