ஏப்ரல் மாத ஸ்ரீ சத்யானராயண பூஜை மிக விமரிசையாக 10-04-2017 ஞாயிறு மாலை நடைபெற்றது.
அன்றைய தினம் பங்குனி உத்திரம் என்பதால் மாதாமாதம் வருகிற பக்தர்களின் கூட்டம் சற்று குறைவாகவே காணப்பட்டது.
ஆண்டுக்கொருமுறை நித்யம் ஸ்ரீ சத்யநாராயண பூஜை நடைபெறும் க்ஷேத்திரம் அன்னாவரத்திற்கு சென்று தரிசித்து வருவது உண்டு அதைப்போல இந்த வருஷமும் ஜூலை மாதம் 13 அன்று இரவு அன்னாவரம் புறப்பட்டு , அன்னாவரம், சிம்மாச்சலம் மற்றும் அருகில் உள்ள கோவில்களை தரிசித்து ஜூலை 15 விசாகப்பட்டினத்திலிருந்து புறப்பட்டு சென்னை திரும்ப இருப்பதாக செயலாளர் ஸ்ரீ கல்யாண வரதன் மாமா தமதுரையில் தெரிவித்தார். இந்த முறை சுமார் 30 பக்தர்கள் வர இருப்பதாக பெருமையுடன் அறிவித்தார்.
எல்லோருக்கும் தமிழ் புத்தாண்டு வாழ்த்துக்களை தெரிவித்தார்.
ஸ்ரீ சத்யநாராயண கதைகளை பூஜை முடிந்ததும் படித்து அதன் விளக்கம் கூறும் திரு சுந்தரம் ( இந்தியன் வங்கி ஓய்வுபெற்ற அதிகாரி ) அவர்கள் உடல்நிலை சரியில்லாத காரணத்தினால் வர இயலவில்லை . அவர் விரைவில் உடல்நலம் பெற கூட்டு பிரார்த்தனை செய்யவோம். கூட்டு பிரார்த்தனைக்கு நிச்சயம் நல்ல பலன் கிடைக்கும் என்று கூறியவுடன் கூட்டு பிரார்த்தனை நடைபெற்றது.
பூஜையின் போது எடுக்கப்பட்ட சில போட்டோக்கள் உங்கள் பார்வைக்கு வைக்கப்படுகின்றன. நீங்களும் ஸ்ரீ சத்யநாராயண பகவானை வேண்டிக்கொள்ளுங்கள். வேண்டுவனவற்றை வேண்டியபடி விரைந்தருளும் வள்ளல் பெருமான் அவன்.
 |
| தலைவர் ஸ்ரீ . ஸ்ரீநாத் |
 |
பொருளாளர் ஸ்ரீ. இராஜாராமன்  |
